მარნეულის მუნიციპალიტეტის გამგებელი მერაბ თოფჩიშვილი აქტიურად აგრძელებს მოსახლეობასთან შეხვედრებს. ამჯერად იგი გამგეობის ხელმძღვანელ პირებთან ერთად ქალაქ მარნეულის აგრარული ბაზრის მიმდებარე ტერიტორიაზე არსებული კერძო კომერციული ობიექტების მფლობელებს შეხვდა.

შეხვედრის მიზანს მათი პრობლემების მიმოხილვა და სამუშაო პირობების გაუმჯობესების პერსპექტივა წარმოადგენდა. 
შესაბამისად, გამგებელი არსებულ მდგომარეობას გაეცნო, სამომავლო გეგმებზე ისაუბრა და ობიექტების მფლობელებს საქმიანობის განვითარებისთვის მუნიციპალიტეტში ხელსაყრელი პირობების შექმნის ხელშეწყობას დაჰპირდა. 
შეხვედრისას, ასევე ყურადღება იქნა გამახვილებული აგრარული ბაზრის მიმდებარე ტერიტორიის დასუფთავების საკითხებზე.