მარნეულის მუნიციპალიტეტში სოფელი წერეთლის შიდა გზების რეაბილიტაცია აქტიურად მიმდინარეობს, რომელიც 2893 მ სიგრძის გზის მონაკვეთის მოასფალტებას გულისხმობს.
ინფრასტრუქტურული პროექტის ფარგლებში სარეაბილიტაციო სამუშაოები უტარდება სააკაძის, ქართლისა და ჭავჭავაძის ქუჩებს.
აღსანიშნავია, რომ მიმდინარე პროექტმა შექმნა 40 სამუშაო ადგილი, აქედან დასაქმდა 10 ადგილობრივი.
სოფელ წერეთელში შიდა გზების სარეაბილიტაციო სამუშაოებს შპს „სამშენებლო სამონტაჟო საექსპლუატაციო საწარმო ჩელიაბინსკტრანსსიგ ნალი-ს საქართველოს ფილიალი“ ასრულებს. პროექტი 2015 წლის აპრილში დაიწყო და ივლისის თვეში დასრულდება, საერთო ღირებულება 437 777 ლარს შეადგენს.
აღნიშნული პროექტი რეგიონში განსახორციელებელი პროექტების ფონდის „რგპფ“-ს დაფინანსებით ხორციელდება.