მარნეულის მუნიციპალიტეტში წერეთელი-მირზოვკა-მუღანლო-ქესალოს გზის რეაბილიტაცია მიმდინარეობს, რომელიც 22 კმ-იანი გზის მონაკვეთის შეკეთება/ მოასფალტებას ითვალისწინებს.
აღნიშნული გზის სარეაბილიტაციო სამუშაოები მარნეულის მუნიციპალიტეტის გამგებელმა მერაბ თოფჩიშვილმა, მისმა მოადგილემ თეიმურაზ ბერიძემ, მარნეულის მუნიციპალიტეტის საკრებულოს თავჯდომარემ ნაბი აბდულაევმა, თვითმართველობის სხვა ხელმძღვანელმა პირებმა მოინახულეს და პროექტის ფარგლებში დასაქმებულ ადგილობრივ დასაქმებულებს გაესაუბრნენ. აღსანიშნავია, გზის მშენებლობის პროცესში, ჯამში 120 ადამიანია დასაქმებული.
წერეთელი-მირზოვკა-მუღანლო-ქესალოს გზის აღდგენის სამუშაოებს შპს- „ქცია“ ასრულებს. საგზაო ინფრასტრუქტურული პროექტი 2015 წლის აპრილში დაიწყო და მიმდინარე წლის სექტემბრის თვეში დასრულდება, რომლის ღირებულება 4 700 000 ლარს შეადგენს.
აღნიშნული პროექტი საავტომობილო გზების დეპარტამენტის დაფინანსებით ხორციელდება.