დღეს, მარნეულის მუნიციპალიტეტის „ქალთა ოთახის“ წარმომადგენლები სოფელ თამარისში მცხოვრებ ქალბატონებს შეხვდნენ.
შეხვედრის მიზანს წარმოადგენდა ქალბატონებისათვის „ქალთა ოთახის“ფუნქციების, საქმიანობისა და მნიშვნელობის გაცნობა. საინფორმაციო ტიპის შეხვედრაზე ასევე ისაუბრეს ქალთა პრობლემების გამოვლენასა და მოგვარების გზებზე.
„ქალთა ოთახი“მარნეულის მუნიციპალიტეტის გამგეობაში, თვითმმართველობის მხარდაჭერით, არასამთავრობო ორგანიზაცია კონფლიქტებისა და მოლაპარაკებების საერთაშორისო კვლევის ცენტრის მიერ (ICCN) მუნიციპალური სერვისის ფარგლებში ფუნქციონირებს; რომლის მთავარი მიმართულებაა ქალთა და გოგონათა პროფესიული და ეკონომიკური გაძლიერებისთვის ხელსაყრელი გარემოს შექმნა, დღესდღეობით არსებული ბარიერების გადალახვა, რათა მათ ჰქონდეთ გაუმჯობესებული არჩევანის გაკეთების შესაძლებლობა როგორც საგანმანათლებლო, ასევე პროფესიული და ეკონომიკური გაძლიერების კუთხით.