დღეს, მარნეულის მუნიციპალიტეტში დედამიწის საერთაშორისო დღე აღინიშნა.
აღნიშნულ დღესთან დაკავშირებით სოფელ ალავრის, ყიზილაჯლოს და საიმერლოს საჯარო სკოლის ეზოებში მოეწყო გამწვანების აქცია, რომელშიც ჩაერთვნენ სკოლის მოსწავლეები და პედაგოგები.
აქციის ფარგლებში აღნიშნულ ტერიტორიებზე 15–15 იფნის ჯიშის ნერგები დაირგო.
აღსანიშნავია, რომ ღონისძიებაში აქტიურ მონაწილეობას იღებდა მარნეულის მუნიციპალიტეტის გამგებელი მერაბ თოფჩიშვილი, მოადგილეებთან და საკრებულოს თავჯდომარე ნაბი აბდულაევთან ერთად.
ღონისძიების დასასრულს სკოლის მოსწავლეებმა, პედაგოგებმა და ადგილობრივი თვითმართველობის წევრებმა, სამახსოვრო პოსტერი შექმენეს, სადაც ილუსტრირებული იყო გარემოზე ზრუნვა.
გამწვანების აქციის მიზანს ჯანსაღი გარემოს შექმნის ხელშეწყობა, გარემოს დაცვის კუთხით ახალგაზრდების თვითშეგნების ამაღლება და სამოქალაქო აქტიურობის გაზრდა წარმოადგენდა.