მარნეულის გამგეობაში ევროპის ინფრასტრუქტრისა და განვითარების ბანკის (EBRD) წარმომადგენლებსა და ადგილობრივი თვითმმართველობის ხელმძღვანელ პირებს შორის „ქვემო ქართლის მყარი ნარჩენები" პროექტის განხორციელებასთან დაკავშირებით სამუშაო შეხვედრა გაიმართა.

სამუშაო შეხვედრაზე დეტალურად ისაუბრეს აღნიშნული პროექტის დაფინანსების საკითხებზე, სადაც აღინიშნა რომ პროექტის განსახორციელებლად EBRD გეგმავს გამოყოს სესხი 7 მლნ ევროს ოდენობით, ხოლო პროექტის თანმდევი ღონისძიებების მიზნით Sida გეგმავს 3 მილიონი ევროს ოდენობით გრანტის გამოყოფას.
მოლაპარაკებების მაგიდამ განსაზღვრა პროექტის განხორცილების თანმდევი ღონისძიებებიც, როგორიცაა ხარჯების ამოღების ეფექტური სისტემის შემუშავება, არსებული პოლიგონების დახურვა, რომელიც ვერ აკმაყოფილებს დღევადელ მოთხოვნებს და სხვა.
ახალი ნაგავსაყრელის პროექტი, ქვემო ქართლის ხუთი მინიციპალიტეტის - მარნეულის, დმანისის, ბოლნისის, თეთრი-წყაროსა და წალკისთვის, ევროპული სტანდარტების შესაბამის რეგიონალური მყარი საყოფაცხოვრებო ნარჩენების გადამამუშავებელი ნაგავსაყრელის აშენებასა და ამავე მუნიციპალიტეტებში ნარჩენების შეგროვებასა და მართვის გაუმჯობესებას გულისხმობს.
ნაგავსაყრელის მშენებლობა მარნეულის მუნიციპალიტეტში, კერძოდ, კი იალღუჯის მთის მიმდებარე ტერიტორიაზე იგეგმება.
მყარი საყოფაცხვრებო ნარჩენების პოლიგონების მართვა წარმოადგენს საქართველოს ეროვნული, რეგიონული და ადგილობრივი მნიშვნელობის საკითხს.
საქართველოს მთავრობამ, მყარი საყოფაცხოვრებო ნარჩენების პოლიგონების მართვა განსაზღვრა, როგორც ერთ-ერთი მწვავე პრობლემა და ამ მიზნით დაიწყო არსებული სისტემის რეფორმირება.
პროექტი ხორციელდება ევროპის რეკონსტრუქციისა და განვითარების ბანკის (EBRD) და საქართველოს განვითარებისა და იფრასტრუქტურის სამინისტროს მხარდაჭერით.