გამწვანების კამპანია „მწვანე მომავალი“ მარნეულში გრძელდება. აღნიშნულ საკითხთან დაკავშირებით 26 მარტს მარნეულის მუნიციპალიტეტში სამუშაო შეხვედა გაიმართა, რომელსაც ეწრებოდნენ გარემოს დაცვისა და ბუნებრივი რესურსების მართვის მინისტრის მოადგილე გიორგი სომხიშვილი, ტყის მოვლა-აღდგენის დეპარტამენტის ხელმძღვანელი ნათია იორდანიშვილი, ქვემო ქართლში სახელმწიფო რწმუნებული- გუბერნატორი პაატა ხიზანაშვილი და მარნეულის მუნიციპალიტეტის გამგებელი მერაბ თოფჩიშვილი.

მხარეებმა ქალაქ მარნეულის შემოსასვლელთან ერთ-ერთი პოტენციური ადგილიც მოინახულეს, სადაც მომავალშიც გაგრძელდება ნერგების დარგვის სამუშაოები. 
შეხვედრაზე ნერგების დარგვისთვის ნიადაგის სინჯის, შესაბამისი სახეობის ნერგების შერჩევისა და გამწვანებული ტერიტორიის მოვლისთვის უფლება-მოვალეობების გაწერის აუცილებლობაზე ისაუბრეს, რათა უზრუნველყოფილი იყოს ნერგების მოვლისა და გახარების სამუშაოები სასურველი შედეგის მისაღებად.