დღეს,  მარნეულის მუნიციპალიტეტის გამგეობაში, თვითმმართველობის მხარდაჭერით, არასამთავრობო ორგანიზაცია კონფლიქტებისა და მოლაპარაკებების საერთაშორისო კვლევის ცენტრის მიერ  (ICCN)  მუნიციპალური სერვისი- „მარნეულის“ ქალთა ოთახი გაიხსნა.

სერვისის დაფუძვნების ღონისძიება  პროგრამა „ჰორიზონტის გაფართოება გაუმჯობესებული არჩევანი ქალთა და გოგონათა პროფესიული და ეკონომიკური გაძლიერებისთვის“ ფარგლებში გაიმართა, რომელსაც  თვითმმართველობის ხელმძღვანელი პირები, თანამშრომლები, ადგილობრივი არასამთავრობო ორგანიზაციის წარმომადგენლები  და სხვა მოწვეული სტუმრები ესწრებოდნენ.
აღნიშნული პროგრამა  2014 წლის აპრილიდან  დაიწყო და ხორციელდება ქვემო ქართლსა და სამცხე-ჯავახეთის 13 მუნიციპალიტეტში, რომლის მთავარი მიმართულებაა ქალთა და გოგონათა პროფესიული და ეკონომიკური გაძლიერებისთვის ხელსაყრელი გარემოს შექმნა, დღესდღეობით არსებული ბარიერების გადალახვა, რათა მათ ჰქონდეთ გაუმჯობესებული არჩევანის გაკეთების შესაძლებლობა როგორც საგანმანათლებლო, ასევე პროფესიული და ეკონომიკური გაძლიერების კუთხით. 
პროგრამა დაფინანსებულია ამერიკის შეერთებული შტატების განვითარების სააგენტოს მიერ(USAID) და ხორციელდება კონფლიქტებისა და მოლაპარაკებების საერთაშორისო კვლევის ცენტრის (ICCN)  მიერ, მერსი ქორფსთან (mercy Corps) პარტნიორობით.