27 მარტს, მარნეულის მუნიციპალიტეტის გამგეობაში თეატრის საერთაშორისო დღესთან დაკავშირებით რუსთავის კლუბური თეატრ „ბრავოს“ ახალგაზრდა რეჟისორი ნიკა გაბათაშვილი მარნეულელ ახალგაზრდებს შეხვდა.
შეხვედრა კითხვა- პასუხის რეჟიმში გაიმართა, სადაც მოწვეულმა სტუმარმა საკუთარ გამოცდილებაზე, პროფესიის სირთულეებსა და საინტერესო მხარეებზე ისაუბრა. ახალგაზრდა რეჟისორმა სურვილი გამოთქვა მარნეულის ახალგაზრდობასთან სამომავლოდ თანამშრომლობის, მუნიციპალიტეტში თეატრალური ხელოვნების შემდგომი განვითარების მიზნით.
რეჟისორსა და ახალგაზრდებს შორის შეხვედრა არასამთავრობო ორგანიზაცია „სიქა“-სთან თანამშრომლობით მოეწყო, რომელმაც USAID და PCH international-ის პროგრამა, „მომავლის თაობის“ ფარგლებში, შეხვედრაზე დასწრების მსურველი ახალგაზრდების ტრანსპორტირება უზრუნველყო სოფ შაუმიანიდან.
აღსანიშნავია, რომ მსგავსი ხასიათის შეხვედრები გაზრდის ახალგაზრდების სამოქალაქო ჩართულობას, დაეხმარება მათ პროფორიენტაციის განსაზღვრის კუთხით და ხელს შეუწყობს ეთნიკურ უმცირესობათა ინტეგრაციის პროცესს.