25 მარტს, მარნეულის დემოკრატიული ჩართულობის ცენტრის ორგანიზებით  ქალთა საკითხებზე მომუშავე ორგანიზაციების ფორუმის ფარგლებში გაიმართა დისკუსია თემაზე: ქალთა პოლიტიკური და ეკონომიკური აქტივობის გაზრდა და ქალთა მიმართ ძალადობის აღმოფხვრა.

აღნიშნულ დისკუსიაში მონაწილეობას იღებდა მარნეულის მუნიციპალიტეტის საკრებულოს თავჯდომარის მრჩეველი გენდერის საკითხებში ია ესებუა და სახალხო დამცველის წარმომადგენელი ქვემო ქართლში ლეილა მამედოვა, რომლებმაც შეაჯამეს საკუთარი საქმიანობა  და ისაუბრეს სამომავლო გეგმებზე; 
შეხვედრის მსვლელობისას, ფორუმში მონაწილე სხვადასხვა ორგანიზაციებმა - „მარნეულის დემოკრატ ქალთა საზოგადოებამ“, „საქართველოს აზერბაიჯანელ ქალთა კავშირმა“, „ქალები მშვიდობის, თანასწორობისა  განვითარებისათვის“ ისაუბრეს ქალთა პოლიტიკური მონაწილეობის მხრივ მარნეულში არსებულ მდგომარეობასა და იმ პრობლემებზე, რომლის წინაშეც მარნეულში მცხოვრები ქალები დგანან.
აღსანიშნავია, რომ მარნეულის მუნიციპალიტეტის საკრებულოს წარმომადგენლის მონაცემებზე დაყრდნობით, მარნეულის ადგილობრივი თვითმმართველობის ორგანოებში  ქალთა რაოდენობა გაიზარდა.