დღეს, მარნეულის მუნიციპალიტეტის გამგეობაში, საქართველოში ეროვნულ უმცირესობათა დაცვის ჩარჩო კონვენციის (FCNM)მრჩეველთა კომიტეტისა და რასიზმისა და შეუწყნარებლობის წინააღმდეგ ევროპული კომისიის (ECRI) ექსპერტთა ერთობლივი ვიზიტის ფარგლებში სამუშაო შეხვედრა გაიმართა.
შეხვედრას (FCNM)მრჩეველთა კომიტეტის ექსპერტები, შერიგებისა და სამოქალაქო თანასწორობის საკითხებში სახელმწიფო მინისტრის აპარატის წარმომადგენლები, ქვემო ქართლში სახელმწიფო რწმუნებული-გუბერნატორი პაატა ხიზანაშვილი, გამგებელი მერაბ თოფჩიშვილი და ადგილობრივი ხელისუფლების წარმომადგენლები ესწრებოდნენ.
მხარეებმა სამუშაო შეხვედრაზე განიხილეს კონვენციის შესრულების მდგომარეობა, კერძოდ კი ისეთი საკითხები როგორიცაა: ეთნიკური უმცირესობების წარმომადგენლობა სამხარეო და ადგილობრივი თვითმმართველობის ორგანოებსა და საჯარო სამსახურში, მათი მონაწილეობა არჩევნებში, ასევე სოციალური სერვისებისა და შეღავათების ეთნიკური უმცირესობების წარმომადგენელი პირებისთვის ხელმისაწვდომობის უზრუნველყოფის პროცედურები, რეგიონში ეთნიკური უმცირესობების წარმომადგენელ მოქალაქეებთან სახელმწიფო სტრუქტურების კომუნიკაციის ენა და ადმინისტრაციული წარმოება მათი მონაწილეობით და სხვა.
ვიზიტის შედეგად მომზადდება შემაჯამებელი ანგარიში ანგარიში საქართველოში ეროვნულ უმცირესობათა დაცვის ჩარჩო კონვენციით გათვალისწინებულ ვალდებულებათა შესრულების მხრივ არსებულ მდგომარეობასთან დაკავშირებით.