17 მარტს, მარნეულის დემოკრატიული ჩართულობის ცენტრში პროექტი - „დავასუფთაოთ საქართველო-საზოგადოების ცნობიერების ამაღლება და მისი ჩართვა მყარი საყოფაცხოვრფებო ნარჩენების გაუმჯობესების პროცესში“- ის ფარგლებში გაიმართა დისკუსია თემაზე - ნარჩენების მართვის კოდექსი, საჯარიმო სანქციებისა და დაბინძურებით გამოწვეული პრობლემები.
აღნიშნულ დიკუსიაში მონაწილეობას იღებდა მარნეულის ადგილობრივი მუნიციპალიტეტის თვითმმართველობის თანამშრომშრომლები, სადაც შეხვედრაზე დეტალურად განიხილეს გარემოს დაბინძურებასთან დაკავშირებული ეკოლოგიური პრობლემები და მათი ადამიანის ჯანმრთელობაზე ზემოქმედების საკითხები.
შეხვედრის მსვლელობისას, საქართველოს ბუნების მკვლევართა კავშირის, „ორქსის“ მიერ მოხდა რეგიონებში ჩატარებული კვლევის შედეგების გაცნობა- სტიქიური ნაგავსაყრელების გავლენის შეფასება მიმდებარე ტერიტორიების ეკოსისტემების მდგომარეობაზე.
აღნიშნული პროექტის მიზანია ნარჩენების მართვასთან დაკავშირებით საზოგადოების ცნობიერების ამაღლება.