ქვემო ქართლში სახელმწიფო რწმუნებული-გუბერნატორი პაატა ხიზანაშვილი, 18 თებერვალს, მარნეულის მუნიციპალიტეტის საკრებულოს ხელმძღვანელ პირებსა და წევრებს შეხვდა.
შეხვედრაზე, რომელიც გაცნობით ხასიათს ატარებდა, კითხვა- პასუხის რეჟიმში განიხილეს მუნიციპალიტეტში არსებული პრობლემები და მისი გადაჭრის გზებზე იმსჯელეს.
შეხვედრას მარნეულის მუნიციპალიტეტის გამგებელი მერაბ თოჩიშვილი მოადგილეებთან ერთად ესწრებოდა.
გუბერნატორმა საკრებულოს დეპუტატებთან შეხვედრა დადებითად შეაფასა და აღნიშნა, რომ მსგავსი ღონისძიებები მუნიციპალიტეტში არსებული პრობლემების მოგვარების მიზნით მნიშვნელოვანია.
„დღევანდელი შეხვედრა გაცნობით ხასიათს ატარებდა, სადაც ვისაუბრეთ მუნიციპალიტეტში არსებულ პრობლემებზე. ჩვენ ვაპირებთ მთელი საზოგადოების ჩართულობას იმ პრობლემების მოგვარებაში, რომელიც დგას ჩვენი რეგიონის წინაშე. აღმოჩნდა, რომ შეხვედრაზე დამსწრე ყველა დეპუტატი, რომლებიც სხვადასხავა ფრაქციებს თუ პარტიებს წარმოადგენენ, ერთხმად აღიარებს, რომ აღმშენებლობის პროცესი დაიწყო და აქტიურად მიმდინაროებს. საკვირველია, რომ პრობლემებმა ამ ერთი წლის მანძილზე საგრძნობლად იკლო და ამ მიმართულებით მუშაობამ იმატა.“-განაცხადა გუმერნატორმა პაატა ხიზანაშვილმა.