23 მაისს, მარნეულის მუნიციპალიტეტის გამგეობაში  IX-XII კლასის მოსწავლეებისთვის  გაიმართა  სემინარი  თემაზე – „დემოკრატია და დემოკრატიული პრინციპები“.  

აღნიშნული ღონისძიება პროექტ „აქტიური მოქალაქე და დემოკრატია“–ს ფარგლებში ჩატარდა, რომელსაც აფინანსებს  ა.შ.შ-ს სახელმწიფო დეპარტამენტის განათლებისა და კულტურის საკითხთა ბიურო. 
სემინარის  ძირითად აუდიტორიას წარმოადგენდნენ თექალოს, მარნეულის მე-8, მარნეულის მე-2 და   მარნეულის მე-5 საჯარო  სკოლების დამამთავრებელი კლასების მოსწავლეები. 
შეხვედრა ინტერაქტიულ რეჟიმში წარიმართა. ახალგაზრდებმა იმუშავეს ჯგუფებში, ძირეულად გაეცნენ ადგილობრივი თვითმმართველობის სუბიექტების მუშაობის სპეციფიკას და მოაწყვეს იმიტირებული საკრებულოს სხდომა.
აღსანიშნავია, რომ სემინარი ხელს შეუწყობს ახალგაზრდების მოქალაქეობრივი თვითშეგნების ამაღლებას და გაზრდის მათი ჩართულობის დონეს სამოქალაქო პროცესებში.