სიახლეები
სოფელ წერაქვში წმინდა გიორგის სახელობის ტაძარი განახლდა
25 სექ 2014
ტაძრის გახსნის საზეიმო წირვა-ლოცვას ქვემო ქართლის ეპარქიის სასულიერო პირებთან ერთად, ადგილობრივი ხელისუფლების წარმომადგენლებიც დაესწრნენ.
წერაქვის წმინდა გიორგის სახელობის ტაძარი, რომელიც შუა საუკუნეებს მიეკუთვნება, მრავალი წლის განმავლობაში უმოქმედო იყო. ისტორიული ცნობების თანახმად, ამ ტაძარში მოინათლა ამავე სოფლის მკვიდრი, დიდი ქართველი მწერალი და საზოგადო მოღვაწე მიხეილ ჯავახიშვილი. საზეიმო ღვთისმსახურების შემდეგ ტაძრის ეზოში შეკრებილი მრევლი მეუფე გიორგიმ დალოცა;"მარნეულისა და ჰუჯაბის ეპარქიაში ღირსშესანიშნავი დღეა, რამეთუ დღეს ვზეიმობთ ტაძრის განახლებას. მოგეხსენებათ, რომ ყოველი ტაძრის კურთხევა ზეცაში გაჭრილი სულიერი სარკმელია."მარნეულის მუნიციპალიტეტის გამგებელმა მერაბ თოფჩიშვილმა ადგილობრივ მრევლს ტაძრის გახსნა მიულოცა."წერაქვის მოსახლეობისთვის დღევანდელი დღე მნიშვნელოვანი და სასიხარულოა, რადგან წლების განმავლობაში უმოქმედოდ დარჩენილი ტაძარი იკურთხა და ამიერიდან ყოველ კვირა დღეს აღევლინება წირვა-ლოცვა. ასეთი დიდებული დღეები, ვფიქრობ, ამ სოფლიდან მოსახლეობის მიგრაციის ტენდენციას შეაჩერებს", - დასძინა მარნეულის მუნიციპალიტეტის გამგებელმა მერაბ თოფჩიშვილმა.
{AG}25.09.2014-weraqvi.eklesiis.gaxsna{/AG}
მნახველთა რაოდენობა: 2787
სიახლეები
მაი 02 ხუთ 2024
27
აპრ 03 ოთხ 2024
783
აპრ 22 ოთხ 2020
15918
აპრ 22 შბ 2017
29166
იან 09 ორშ 2017
28729
აგვ 30 სამ 2016
30706
აგვ 27 შბ 2016
29980
სექ 02 პარ 2016
28427
აგვ 26 პარ 2016
27907