მარნეულის მუნიციპალიტეტი
ოფიციალური ვებგვერდი
ცხელი ხაზი
სიახლეები

 

მარნეულის მუნიციპალიტეტიდან წარმომადგენლობა ოფიციალური ვიზიტით სლოვაკეთში იმყოფებოდა
04 მაი 2023
 

მარნეულის მუნიციპალიტეტიდან წარმომადგენლობა ოფიციალური ვიზიტით სლოვაკეთში იმყოფებოდა

 

მარნეულის მუნიციპალიტეტიდან წარმომადგენლობა, შშმ პირთა დასაქმების ხელშეწყობის გამოცდილების გაზიარების მიზნით ოფიციალური ვიზიტით სლოვაკეთში იმყოფებოდა.

 

ვიზიტის ფარგლებში, მონაწილეები გაეცნენ შშმ პირთა დასაქმების სხვადასხვა მეთოდებს და სლოვაკეთის კანონმდებლობას ამ მიმართულებით, მოინახულეს სოციალური საწარმო „როდნიჩკა“, სარეაბილიტაციო ცენტრი და მაკდონალდსის ერთ-ერთი ფილიალი, რომელიც შრომის ბაზარზე შშმ პირთა დასაქმების კარგი მაგალითია.

 

ასევე შეხვედრები გაიმართა ბანსკა ბისტრიცას რეგიონის თვითმმართველობის, სლოვაკეთის რესპუბლიკის შრომის, სოციალური დაცვისა და ოჯახის სამინისტროს წარმომადგენლებთან, მოეწყო პრეზენტაციები სლოვაკეთის ეკო სისტემის შესახებ.

 

ვიზიტი მოიცავდა ადგილობრივი თვითმმართველობის და არასამთავრობო ორგანიზაციათა წარმომადგენლების პარტნიორ არასამთავრობო ორგანიზაცია TENENET-ში სტუმრობასაც, სადაც გაეცნენ TENENET-ის შექმნის ისტორიასა და საქმიანობას. შეხვედრას აღნიშნული ორგანიზაციის გამოცდილი ექსპერტი ვიერა ზაჰორცოვა უძღვებოდა.

 

სასწავლო ვიზიტი განხორციელდა Slovak Aid-ის მხარდაჭერით, პროექტის  „შეზღუდული შესაძლებლობის მქონე პირთა დასაქმების ხელშეწყობა და შრომის პოლიტიკის ოპტიმიზაცია საქართველოში - 2“ ფარგლებში .

 

ოფიციალური ვიზიტით სლოვაკეთში მივლინებული იყვნენ მარნეულის მუნიციპალიტეტის მერიის ადმინისტრაციული სამსახურის ხელმძღვანელი მამუკა შუბითიძე, მერიის ინფრასტრუქტურის მშენებლობისა და განვითარების პროცესის დაგეგმარების განყოფილების უფროსი კარლო ასანიძე, საკრებულოს აპარატის საზოგადოებასთან, მედიასთან, არასამთავრობო სექტორთან ურთიერთობის და გენდერული საკითხების განყოფილების უფროსი ია ესებუა და ამავე განყოფილების სპეციალისტი თათია ჩაჩანიძე.

 
 
მნახველთა რაოდენობა: 1712
 
 
 
სიახლეები
ოქტ 24 სამ 2023
1718
სექ 19 სამ 2023
1966
ივლ 05 ოთხ 2023
2139
 
 
სიახლეები
2024 მარტი
ორშსამოთხხუთპარშბკვ
123
45678910
11121314151617
18192021222324
25262728293031