სიახლეები
ნოვრუზ ბაირამი 21.03.2014
23 მარ 2014
„ნოვრუზ ბაირამნეზ მუბარეკ ოლსუნ! თქვენ განსაკუთრებით მშრომელი ხალხი ხართ. თქვენ ქართული სოფლის მეურნეობის პროდუქტით ამარაგებთ ჩვენს ბაზარს, და მინდა გითხრათ, რომ ეს ჩვენი მთავრობისთვის პრიორიტეტია. ჩვენ ძალ-ღონეს არ დავიშურებთ, რომ ეს შრომა დაგიფასდეთ, ყველაფერს გავაკეთებთ, რომ თითოეული თქვენგანის ოჯახმა იგრძნოს კეთილდღეობა.ჩვენ გვინდა, რომ თქვენს შვილებს ჰქონდეთ სწავლისა და განვითარების პირობები. მიხარია, რომ აქაური ახალგაზრდობა ძალიან მონდომებულია იცოდეს ქართული ენა. მინდა ყველას მოვუწოდო, რომ მაქსიმალურად ჩაერთონ სახელმწიფო ენის შესწავლის პროექტებში. ქართული ენის ცოდნა მათ დაეხმარებათ სხვადასხვა პროფესიის დაუფლებაში,უმაღლესი განათლების მიღებაში. საბოლოოდ ისინი შეძლებენ სრულფასოვანი მონაწილეობა მიიღონ სახელმწიფოს ცხოვრებაში. ვიცი, რომ თქვენთვის ერთნაირად ძვირფასია აზერბაიჯანიც და საქართველოც. დღეს ჩვენს აზერბაიჯანელ მოქალაქეებს და ქართველებს ერთი ქვეყანა გვაქვს, ჩვენ ერთად ვაშენებთ ჩვენი ქვეყნის ბედნიერ მომავალს და ერთად ვიცხოვრებთ ერთიან, ძლიერ საქართველოში." გამწვანების კამპანიის ,,მწვანე მომავალის“ ფარგლებში პირველი ნაკვეთი თბილისი–მარნეულის ცენტრალურ გზატკეცილზე შეირჩა. ხეების დარგვის ცერემონიაში მონაწილეობა საქართველოს პრემიერ–მინისტრმა, საქართველოს მთავრობის და ადგილობრივი თვითმმართველობის წარმომადგენლებმაც მიიღეს.„ვგეგმავთ მარნეულში ავაშენოთ სპორტულ-გამაჯანსაღებელი კომპლექსი. თქვენ გექნებათ ადგილი, სადაც შეიკრიბებით, ივარჯიშებთ და იცხოვრებთ ჯანმრთელი ცხოვრების წესით,“–ამ სიტყვებით დაიწყო პრემიერ–მინისტრმა ეთნიკურად აზერბაიჯანელ სტუდენტებთან შეხვედრა. შეხვედრა მარნეულის ახალგაზრდობის ცენტრში გაიმართა. პრემიერმა ახალგაზრდებს ნოვრუზ ბაირამობა მიულოცა და გააცნო მათ განათლების პროგრამა ეთნიკური უმცირესობებისათვის.
{AG}21.03.2014-novruz.bairami{/AG}
მნახველთა რაოდენობა: 3014
სიახლეები
აპრ 03 ოთხ 2024
434
აპრ 22 ოთხ 2020
15616
აპრ 22 შბ 2017
28839
იან 09 ორშ 2017
28392
აგვ 30 სამ 2016
30402
აგვ 27 შბ 2016
29684
სექ 02 პარ 2016
28106
აგვ 26 პარ 2016
27603
აგვ 30 სამ 2016
25743