ქვემო ქართლში სახელმწიფო რწმუნებულმა, გიორგი დოხტურიშვილმა, ქალაქ მარნეულში რეგიონის ადმინისტრაციულ ერთეულებში მერის წარმომადგენლებთან შეხვედრა გამართა.

სამუშაო ფორმატის შეხვედრაზე, რეგიონის მუნიციპალიტეტებში არსებულ საჭიროებებზე და მათი გადაჭრის გზებზე ისაუბრეს.

შეხვედრაზე, განსაკუთრებული ყურადღება დაეთმო პრემიერ მინისტრის ირაკლი ღარიბაშვილის მიერ ინიცირებულ პროექტებს, მათ შორის მიწის სისტემური რეგისტრაციის რეფორმის საკითხებს.

სამუშაო შეხვედრას ესწრებოდა მარნეულის მუნიციპალიტეტის მერი კენან ომაროვი და საკრებულოს თავმჯდომარე ამირან გიორგაძე, მოადგილეებთან ერთად.