ადგილობრივი ბიუჯეტის დაფინანსებით, სხვადასხვა ინფრასტრუქტურული პროექტის განხორციელება ინტენსიურად მიმდინარეობს. ამ ეტაპზე დაიწყო სოფელ წერეთელის დასახლებაში არსებული კორპუსის ეზოს და ეკლესიასთან მისასვლელი გზის მოწყობისა და სოფელ ალავარში შიდა სასოფლო გზების რეაბილიტაცია. აქტიურად მიმდინარეობს შიდა გზების რეაბილიტაცია თამარისის ადმინისტრაციულ ერთეულში, სოფელ ალავარში. დაწყებულია ქვესაგები ფენის მომზადება ასფალტ/ბეტონის საფარის დასაგებად. პროექტის ფარგლებში მოასფალტდება 650 მეტრი სიგრძის გზა. პროექტის საერთო ღირებულება 197 000 ლარია. კერძოდ ალავარის შიდა სასოფლო გზის სარეაბილიტაციო სამუშაობის ღირებულება შეადგენს 90 622 ლარს. ინფრასტრუქტურული პროექტი მიმდინარე წლის ოქტომბრის თვეში დასრულდება.