საიტი მუშაობს სატესტო რეჟიმში
მარნეულში მულტიეთნიკური ფესტივალი „შინ“ გაიმართა
მარნეულის მუნიციპალიტეტის სოფელ ალგეთში, კულტურის ცენტრის ორგანიზებით მულტიეთნიკური ფესტივალი „შინ“ გაიმართა.
ფესტივალზე წარმოდგენილი იყო მულტიკულტურული პროგრამა, სხვადასხვა სახის პერფორმანსები, საფესტივალო სივრცე გაფორმებული იყო ორიგინალური დეკორაციული ფიგურებით.
მარნეულის მუნიციპალიტეტის სოფელ ალგეთში, კულტურის ცენტრის ორგანიზებით მულტიეთნიკური ფესტივალი „შინ“ გაიმართა.
ფესტივალზე წარმოდგენილი იყო მულტიკულტურული პროგრამა, სხვადასხვა სახის პერფორმანსები, საფესტივალო სივრცე გაფორმებული იყო ორიგინალური დეკორაციული ფიგურებით.
ღონისძიებაში მონაწილეობდნენ ადგილობრივი და მოწვეული არტისტები. მარნეულის კულტურის ცენტრის თეატრალური დასის წარმომადგენლები, ცეკვის და ფოლკლორის ანსამბლები.
აღსანიშნავია, რომ ფესტივალი პირველად ჩატარდა, რომლის მიზანს მუნიციპალიტეტში მცხოვრები ეთნიკური ჯგუფების კულტურის თვითმყოფადობის შენარჩუნება-პოპულარიზაცია წარმოადგენს.
ფესტივალს მარნეულისა და გარდაბნის მაჟორიტარი დეპუტატი საქართველოს პარლამენტში, ზაურ დარგალი, მარნეულის მერი, კენან ომაროვი, საკრებულოს თავმჯდომარე, ამირან გიორგაძე და თვითმმართველობის ხელმძღვანელი პირები ესწრებოდნენ.
„მულტიკულტურული ფესტივალი მნიშვნელოვანია ჩვენი მუნიციპალიტეტისათვის, რადგან უკეთ წარმოაჩენს მარნეულის მრავალფეროვნებას. მადლობა მინდა გადავუხადო მარნეულის კულტურის ცენტრს და ფესტივალის ორგანიზატორებს აღნიშნული ღონისძიებისათვის“ - მარნეულის მუნიციპალიტეტის მერი, კენან ომაროვი.
