მარნეულის მუნიციპალიტეტის კულტურის სახლის სცენამ, ჰოლანდიურ ანსამბლ „მერანს“ უმასპინძლა. აღსანიშნავია, რომ ანსამბლი 22 წევრისგან შედგება და 22-ვე ჰოლანდიელია, რომლებიც მღერიან როგორც ქართულ ტრადიციულ ფოლკლორულ სიმღერებს, აგრეთვე ქართველი კომპოზიტორების მიერ შექმნილ უკვდავ ნიმუშებს.

ანსამბლი მხოლოდ 1 წელია რაც ამსტერდამში შეიკრიბა და პირველ ტურნეს საქართველოში მართავს.

მარნეულში გამართულ ღონისძიებას, ადგილობრივი თვითმმართველობის ხელმძღვანელი პირები თანამშრომლები, კულტურის ცენტრთან არსებული შემოქმედებითი წრეების მასწავლებლები, მოსწავლეები და სხვა მოწვეული სტუმრები ესწრებოდნენ.