მარნეულის მუნიციპალიტეტის მხარდაჭერით, საქართველოს იუსტიციის სამინისტროს საჯარო რეესტრის ეროვნული სააგენტო, მიწის სისტემური რეგისტრაციის საკითხებზე, მოქალაქეთათვის საკონსულტაციო შეხვედრებს, მარნეულში 6 სექტემბერს გამართავს.

მიწის სისტემური რეგისტრაციის რეფორმის შესახებ საკონსულტაციო შეხვედრა 11:30 საათზე, მარნეულის საჯარო ბიბლიოთეკის წინ, მიმდებარე სკვერში გაიმართება.

მიწის სისტემური რეგისტრაციის საკითხებზე მოქალაქეებს კონსულტაციას საქართველოს იუსტიციის სამინისტროს საჯარო რეესტრის ეროვნული სააგენტოს წარმომადგენლები გაუწევენ.