დღეს მარნეულის მუნიციპალიტეტში სოფლის კრებები წერაქვის, ქუთლიარის და კაპანახჩის ადმინისტრაციულ ერთეულებში შემავალ სოფლებში გაიმართა.

მოსახლეობის მიერ მიღებული გადაწყვეტილებით, გარე განათების სისტემის მოწყობის სამუშაოები განხორციელდება - სოფელ კაპანახჩში, პირველ და მეორე ქესალოში, წერაქვსა და ლეჟბადინში.

რაც შეეხება სოფელ სიონს მოსახლეობის გადაწყვეტილებით წელს მოეწყობა მდინარეზე გადასასვლელი საფეხმავლო ხიდი და სასაფლაოს ტერიტორიაზე გაკეთდება ფანჩატური, ხოლო ჯანხოშში დაიგეგმა სამელი წყლით უზრუნველყოფის მიზნით დამატებითი მილების მოწყობა.

შეგახსენებთ, რომ მთავრობის გადაწყვეტილებით, ქვეყანაში სოფლის მხარდაჭერის პროგრამა აღდგა, რომელიც რეგიონებში განსახორციელებელი პროექტების ფონდის (რეგფონდის) ქვეკომპონენტია, რომლის ფარგლებშიც, სოფლად მცხოვრები მოსახლეობის საკეთილდღეოდ არაერთი მნიშვნელოვანი პროექტი განხორციელდება, რომელსაც მოსახლეობა დასახლებების მიხედვით ხმათა უმრავლესობით განსაზღვრავს.