მთავარიმარნეულის მუნიციოპალიტეტის სხვადასხვა ადმინისტრაციულ ერთეულში აქტიურად მიმდინარეობს სპორტული მოედნების კეთილმოწყობის სამუშაოები.
ამ ეტაპისთვის რეაბილიტაცია უტარდებათ სოფელ საიმერლოსა და სოფელ წერეთელში ბუნებრივი ბალახის საფარიან სპორტულ მოედნებს. პროექტის ფარგლებში დაგეგმილია მოედნების მესერით შემოღობვა/განახლება.
აღნიშნული ინფრასტრუქტურული პროექტების განხორციელება 2015 წლის 26 აგვისტოს დაიწყო და 25 ოქტომბერს დასრულდება, რომლის ღირებულება 86 403 ლარს შეადგენს.
აღსანიშნავია, რომ ახალი მინი სტადიონი მოეწყობა სოფელ თამარისში, ხოლო ქალაქ მარნეულის 26 მაისის ქუჩაზე მდებარე სტადიონს რეაბილიტაცია ჩაუტარდება, რისთვისაც ადგილობრივი ბიუჯეტიდან ჯამში გამოყოფილია 106 500 ლარი.
