მარნეულის მუნიციპალიტეტი
ოფიციალური ვებგვერდი
ცხელი ხაზი
სიახლეები

 

სამუშაო ვიზიტი აზერბაიჯანის რესპუბლიკაში
04 ოქტ 2023
 

მარნეულის მუნიციპალიტეტის მერი კენან ომაროვი აზერბაიჯანის რესპუბლიკის ურბანული დაგეგმარებისა და არქიტექტურის სახელმწიფო კომიტეტის მიერ ორგანიზებულ, აზერბაიჯანის მე-2 ეროვნული ურბანულ ფორუმს დაესწრო.

ფორუმის გახსნის ცერემონიას აზერბაიჯანის რესპუბლიკის პრეზიდენტი ილჰამ ალიევი ესწრებოდა. დამსწრე საზოგადოებას სიტყვით მიმართეს აზერბაიჯანის რესპუბლიკის ურბანული დაგეგმარებისა და არქიტექტურის სახელმწიფო კომიტეტის თავმჯდომარემ და გაეროს მოგვარების პროგრამის (UN-HABITAT) აღმასრულებელმა დირექტორმა. გამომსვლელებმა აღნიშნეს, რომ აზერბაიჯანის მე-2 ეროვნული ურბანული ფორუმი წარმატებული პლატფორმაა მსოფლიოში ურბანიზაციის პროცესების განსახილველად.

ფორუმის თემატიკას წარმოადგენდა „მდგრადი ქალაქები, როგორც ეკონომიკური განვითარების მამოძრავებელი ძალა უთანასწორობასთან ბრძოლაში“ და მისი მიზანია ერთიან სივრცეში შეკრიბოს ურბანული დაგეგმარებაში ჩართული პირები, მკვლევრები და სამეცნიერო წრეების წარმომადგენლები, წარმოაჩინოს უახლესი მიღწევები მდგრადი ურბანული მიმართულებით და ხელი შეუწყოს საერთაშორისო გამოცდილების გაზიარებას.

აღსანიშნავია, რომ მარნეულის მუნიციპალიტეტის მერი კენან ომაროვი ვიზიტის ფარგლებში მარნეულის მუნიციპალიტეტის დამეგობრებულ შამქირის რაიონის მერს ელშატ ტაკიევს შეხვდა.

 
 
მნახველთა რაოდენობა: 782
 
 
 
სიახლეები
ოქტ 24 სამ 2023
763
სექ 19 სამ 2023
1032
ივლ 05 ოთხ 2023
1379
 
     
    სიახლეები
    2023 დეკემბერი
    ორშსამოთხხუთპარშბკვ
    123
    45678910
    11121314151617
    18192021222324
    25262728293031