დღეს, მარნეულის მუნიციპალიტეტის კულტურის ცენტრში, გაიმართა აზერბაიჯანის გამოჩენილი მუსიკალური და საზოგადო მოღვაწის უზეირ ჰაჯიბეკოვის 130 წლის იუბილისადმი მიძღვნილი ღონისძიება.

საიუბილეო ღონისძიებას, რომლის ორგანიზატორი იყო აზერბაიჯანული კულტურის მუზეუმი, ქვემო ქართლის რწმუნებულ- გუბერნატორის მოადგილე ნუგზარ სალია, ადგილობრივი ხელისუფლების წარმომადგენლები, კულტურის სფეროში მოღვაწე ადამიანები, საჯარო სკოლის პედაგოგები, მოსწავლეები და სხვა მოწვეული სტუმრები ესწრებოდნენ. 
ღონისძიებაში მონაწილობისთვის სპეციალურად ჩამოვიდა აზერბაიჯანის ქალაქ ხირდალანის მუსიკალური სკოლის ორკესტრიც.
უზეირ ჰაჯიბეკოვის საიუბილეო საღამოზე მოწვეულმა სტუმრებმა კიდევ ერთხელ გაიხსენეს კომპოზიტორის ბიოგრაფია, მოღვაწეობა და მადლობა გადაუხადეს საღამოს ორგანიზატორებს.
მარნეულის შემდეგ, საიუბილეო ღონისძიება გარდაბანსა და ბოლნისის მუნიციპალიტეტებშიც გაიმართება.