პროექტი „შეკარი მეგობრობის წრე“, რომელიც 5 დღის განმავლობაში წარმატებით მიმდინარეობდა მარნეულის მუნიციაპლიტეტის გამგეობის საკონფერენციო დარბაზში დასრულდა.
პროექტის მიზანი მარნეულში მცხოვრები სხვადასხვა ეთნოსების ინტეგრაციის ხელშეწყობა, კულტურული ურთიერთობების გაღრმავება და ტოლერანტული დამოკიდებულების ჩამოყალიბება იყო.
პროექტში ჩართულნი იყვნენ მარნეულის მუნიციპალიტეტის სოფლებისა და ქალაქის სკოლის შვიდ–შვიდი მოსწავლე ქართული, სომხური და აზერბაიჯანული სკოლებიდან.
პროექტი თითოეული დღე მრავალფეროვანი იყო და გამოირჩეოდა სხვადასხვა თემატიკით. მონაწილეებმა მოაწყვეს „კულტურათა გამოფენა“, რომლის ფარგლებში ერთმანეთს გააცნეს თავიანთი კულტურა და ტრადიციები;
„ხელოვნება მშვიდობისთვის“ - ხელოვნების აქტივობების გამოყენებით მონაწილეები გამოხატავდნენ თავიანთ ემოციებს, დამოკიდებულებებს და შესაძლებლობებს. „სპორტი მშვიდობისთვის“ - სპორტის აქტივობების გამოყენებით მონაწილეები ერთმანეთის ნდობა და თანამშრომლობა ისწავლეს, რამაც კიდევ უფრო შეუწყო ხელი მათ დამეგობრებას.
პროექტის ბოლო დღე კი „ტრადიციების გაცოცხლება“–ს დაეთმო. აღნიშნული დღის ფარგლებში პროეტის მონაწილეებმა მარნეულის ქუჩებში გააცოცხლეს ქართული(ბერიკაობა), აზერბაიჯანული(ქოსა და ქიაჩელი) და სომხური (ვარდევარი) ტრადიციები.
შეგახსენებთ, რომ პროექტი განხორციელდა საგანმანათლებლო პროგრამა მრავალფეროვნების სკოლის ფარგლებში. მრავალფეროვნების სკოლას ორგანიზებას უწევს არასამთავრობო ორგანიზაცია ირის ჯგუფი - მრავალფეროვნების მართვა, გერმანულ ორგანიზაცია MitOst-თანთანამშრომლობით. პროგრამას აფინანსებს Institut für Auslandsbeziehungen – IfA
პროექტის აქტიური მხარდამჭერი გახლდათ მარნეულის მუნიციპალიტეტის გამგეობა.