დღეს, მარნეულის მუნიციპალიტეტის გამგებელი მერაბ თოფჩიშვილი და საკრებულოს თავჯდომარე ნაბი აბდულაევი, მუსიკალური ფესტივალი –  „ერთიანი კავკასიის“ (ONE CAUCASUS)  საორგანიზაციო საქმეებში ჩართულ,მარნეულის მუნიციპალიტეტში მცხოვრებ მოხალისეებს შეხვდნენ და  მადლობის სიგელებით დააჯილდვეს.

აღსანიშნავია, რომ მარნეულის მუნიციპალიტეტის მოხალისეები  ფესტივალის მოსამზადებელ ტექნიკურ და საორგანიზაციო სამუშაოებში  სამი კვირის განმავლობაში აქტიურად იყვნენ ჩართულნი  როგორც ფესტივალის წინა პერიოდიში, ასევე მიმდინარეობისას და ფესტივალის დასრულების შემდეგაც.
შეხვედრაზე გამგებელმა და საკრებულოს თავჯდომარემ სიტყვით მიმართეს მოხალისეებს, დიდი მადლობა გადაუხადეს გაწეული სამუშაოებისთვის, ისაუბრეს მარნეულში მოხალისეობრივი სერვისის დაფუძნებისა  და  გააქტიურების მნიშვნელობაზე. 
„მიხარია, რომ მარნეულში მოხალისეობრივი სერვისი ნელ–ნელა აქტიურდება. ვამაყობ ასეთი ახალგაზრდებით, მათ მართლაც არნახული შრომა გაწიეს ფესტივალის  მოსამზადებელი პერიოდიდან – მის დასრულებამდე.  მინდა მოვუწოდო ახალგაზრდებს გახდნენ მოხალისეები, რადგან მოხალისეობრივი საქმიანობა ხელს უწყობს პიროვნების მრვალმხრივ განვითარებას“– განაცხადა გამგებელმა, მერაბ თოფჩიშვილმა.