27 აგვისტოს, სოფელ წერაქვში ფესტივალ „ერთიანი კავკასიის“–„ONE CAUCASUS“ სამზადისის პარალელურად, „ღია სამოქალაქო საბჭოს“ სამუშაო შეხვედრა მოეწყო, რომლის მთავარი მიზანი მოქალაქეების მიერ დაწერილი პროექტების შეჯამება და დეტალიზაცია იყო.
სამუშაო შეხვედრა გამოირჩეოდა მოქალაქეების მაღალი აქტივობით და ჩართულობით, სადაც კიდევ ერთხელ დეტალური განიხილეს დაწერილი პროექტები, განსაზღვრეს პრიორიტეტები და შეაჯამეს პროექტის მიმდინარეობა.
„ღია სამოქალაქო საბჭოს“ შეკრებას ესწრებოდა მარნეულის მუნიციპალიტეტის გამგებელი მერაბ თოფჩიშვილი თვითმმართველობის ხელმძღვანელ პირებთან ერთად, პოლონელი ექსპერტები, დაინტერესბული პირები და ადგილობრივი მოსახლეობა.
შეგახსნებთ, რომ სულ შემოვიდა 47 საპროექტო განცხადი, რომლის პირველადი განხილვა უკვე შედგა 27 აგვიტოს სოფელ წერაქვში. გამარჯვებული პროექტები გამოვლინდება ოქტომბრის შუა რიცხვებში, რომელსაც საბოლოოდ გამოავლენს „ღია სამოქალაქო საბჭოს“ წევრები და ადგილობრივ თვითმმართველობაში მომუშავე კომპეტენტური პირები.
აღსანიშნავია, რომ პროექტში ჩაერთო 118 მონაწილე 43 სოფლიდან. მათ შეისწავლეს, თუ როგორ მუშაობს / ნაწილდება მარნეულის მუნიციპალიტეტის ბიუჯეტი და აგრეთვე გაიგეს თანამონაწილეობრივი ბიუჯეტის იდეა. მათ ერთად იმსჯელეს და გადაწყვიტეს თუ რაზე დაიხარჯოს 1,5 მლნ ლარი, რომელიც გამოიყოფა ადგილობრივი ბიუჯეტიდნ (როგორც მინიმუმი) და მათ მიერ დაწერილი პროექტების განხორციელებას მოხმარდება.
შეგახსნებთ, რომ პროექტი თანამონაწილეობითი ბიუჯეტი – გულისხმობს ადგილობრივი ბიუჯეტის შემუშავებას და დამტკიცებას მოქალაქეთა მაქსიმალურ ჩართულობით, ფინანსური გეგმის ერთობლივ მართვას–მოქალაქეებისა და ადგილობრივი ხელისუფლების წარმომადგენლების მიერ.