მარნეულის მუნიციპალიტეტის თვითმმართველობამ, გამგეობის ადმინისტრაციის შენობაში "ერთი ფანჯრის" პრინციპის საკონსულტაციო შეხვედრა გამართა.
სამუშაო შეხვედრის მიზანს, მარნეულის მუნიციპალიტეტში მცხოვრები ქალებისა და მათი ოჯახების პრობლემების განხილვა და გადაჭრის გზების დასახვა წარმოადგენდა.
აღნიშნულ შეხვედრას მარნეულის მუნიციპალიტეტის გამგეობის, სოციალური მომსახურების სააგენტოს, გაეროს ქალთა ორგანიზაციის, ქალთა საინფორმაციო ცენტრის, და სხვა შესაბამისი უწყებების წარმომადგენლები ესწრებოდნენ.
საკონსულტაციო შეხვედრაზე განხილული იქნა 9 შემთხვევა, რომელებიც თავად ბენეფიციარებმა წარმოადგინეს, რომლის შემდგომაც დამსწრე სტრუქტურების წარმომადგენლების მიერ ადგილზე მოიძებნა პრობლემის გადაჭრის გზები.
აღსანიშნავია, რომ მარნეულის მუნიციპალიტეტის საკრებულომ, მიმდინარე წლის 7 აპრილს გამართულ სხდომაზე მიიღო გადაწყვეტილება მარნეულის მუნიციაპლიტეტში მოწყვლადი ჯგუფების დასახმარებლად, "ერთი ფანჯრის" პრინციპით საკონსულტაციო შეხვედრები ჩატარების შესახებ.
ცნობისთვის, „ერთი ფანჯრის“ პრინციპით მუშაობა აქტიურად გაგრძელდება, რაც მნიშვნელოვნად ამარტივებს კომუნიკაციას კომუნიკაციას, მოსახლეობასა და ადგილობრივი თვითმმართველობის ორგანოებს შორის.
პროექტი „ქალები თანასწორობის, მშვიდობისა და განვითარებისათვის საქართველოში“ ხორციელდება გაეროს ქალთა ორგანიზაციის მიერ ქალთა საინფორმაციო ცენტრთან და ფონდ ტასოსთან პარტიორობით, ნორვეგიის მთავრობის მხარდაჭერით. პროექტის მიზანია იძულებით გადაადგილებული, კონფლიქტის შედეგად დაზარალებული და ეროვნული უმცირესობების ქალთა ჯგუფების, სამოქალაქო საზოგადოებისა და მთავრობის მხარდაჭერა და მათი შესაძლებლობების გაძლიერება, საქართველოში გენდერული თანასწორობის და ქალთა უფლებების დაცვის მიზნით.