23 ივნისს, სოფელ წერეთელის საბავშვო ბაღში გამოსაშვები ღონისძიება ჩატარდა.
პატარა აღსაზრდელები მაყურებლის წინაშე ქართველი პოეტების შემოქმედებასთან ერთად სხვადასხვა მუსიკალური ნომრებითა და პიესებით წარსდგნენ. საკონცერტო პროგრამა მდიდარი იყო შემოქმედებითი, თეატრალური, არტისტული უნარით, რაშიც გამოიხატება საბავშვო ბაღის აღმზრდელების მიერ წლების განმავლობაში გაწეული ღვაწლი.
წერეთლის სკოლამდელი აღზრდის დაწესებულების ღონისძიებას მარნეულის მუნიციპალიტეტის გამგებელი მერაბ თოფჩიშვილი, საკრებულოს წევრი ამირან გიორგაძე და ადგილობრივი თვითმმართველობის თანამშრომლები ესწრებოდნენ.
სტუმრებმა საბავშვო ბაღის პედაგოგიურ კოლექტივს დაუღალავი შრომისათვის მადლობა გადაუხადეს და პატარებს გზა დაულოცეს.
პატარების კონცერტის შემდეგ გამგებელმა დაათვალიერა საბავშვო ბაღის ინფრასტრუქტურა, დირექტორს და პედაგოგებს გაესაუბრა და მხარდაჭერა აღუთქვა.