ამ წუთებში, გამგეობის საკონფერენციო დარბაზში, გამგებელი მერაბ თოფჩიშვილი მარნეულის სტიქიის შედეგად წარმოქმნილ პრობლემებთან დაკავშირებით მორიგ საგანგებო თათბირს მართავს, რომელსაც გამგებლის მოადგილეები, საკრებულოს პირველი პირები, გამგეობის სამსახურებისა და განყოფილების უფროსები ესწრებიან.
საგანგებო თათბირზე, მუნიციპალიტეტში გუშინდელი სტიქიის შედეგად შექმნილ ვითარებაზე, სალიკვიდაციო ღონისძიებებსა და ზარალის შემსწავლელი სამუშაო ჯგუფების მუშაობის საკითხებზე მსჯელობენ.
შეგახსენებთ, რომ მარნეულის მუნიციპალიტეტში ძლიერი წვიმის, ქარის და სეტყვის შედეგად მოსახლეობის და ქალაქისათვის მიყენებულ ზარალს ადგილობრივ თვითმმართველობაში შექმნილი სპეციალური სამუშაო ჯგუფები სწავლობენ, რომლის შემდგომაც ზარალის ოდენობას შესაბამისი კომისია დაადგენს.