მარნეულის მუნიციპალიტეტის მასშტაბით, სტიქიის შედეგების ლიკვიდაციის მიზნით ინტენსიური სამუშაოები ამ წუთებშიც გრძელდება.
სტიქიის შედეგად დაზიანებულ უბნებში, შინაგან საქმეთა სამინისტროს საგანგებო სიტუაციების მართვის სააგენტოს სახანძრო-სამაშველო განყოფილების წევრები, გამგეობის შესაბამისი სამსახურები და ადგილობრივი მოსახლეობა იმყოფება, სადაც მობილიზებულია სხვადასხვა სახის მძიმე ტექნიკა. მიმდინარეობს აღნიშნული ტერიტორიის გაწმენდა.
გამგებელმა მერაბ თოფჩიშვილმა, ადგილობრივი თვითმმართველობის ხელმძღვანელ პირებთან ერთად გუშინ მომხდარი სტიქიის შედეგად დაზარალებული ოჯახები მოინახულა და დახმარება აღუთქვა.
მუნიციპალიტეტის მოსახლეობისთვის მიყენებულ ზარალს, მუდმივმოქმედი, სპეციალური კომისია დაითვლის.
სტიქიის შედეგების სალიკვიდაციოდ მარნეულის მუნიციპალიტეტის გამგებელმა მერაბ თოფჩიშვილმა გუშინ გვიან ღამით საგანგებო თათბირი ჩაატარა, რომელსაც გამგებლის მოადგილეები, საკრებულოს ხელმძღვანელი პირები, სამსახურისა და განყოფილების უფროსები ესწრებოდნენ.
სტიქიის შედეგების აღმოფხვრის მიზნით, მუნიციპალიტეტის მასშტაბით მთელი ღამის განმავლობაში მიმდინარეობდა გაწმენდითი სამუშაოები, რომელსაც ადგილზე აკვირდებოდა გამგებელი და შესაბამისი სამსახურის წარმომადგენლები.