18 ივნისს, მარნეულის დემოკრატიული ჩართულობის ცენტრში განხილული იქნა რეგიონული განვითარების და ინფრასტრუქტურის სამინისტროს მიერ ადგილობრივი თვითმმართველობის კოდექსში შესატანი ცვლილებებისთვის მომზადებული კანონპროექტი, – „მოქალაქეთა ჩართულობის დამატებითი ფორმების“ შესახებ.
პროექტის განხილვას ქვემო ქართლის მუნიციპალიტეტების – მარნეულის, ბოლნისის, თეთრიწყაროსა და წალკის გამგებლები, თვითმმართველობის თანამშრომლები, არასამთავრობო სექტორის წარმომადგელნელბი და აღნიშნული საკითხით დაინტერესებული პირები ესწრებოდნენ.
კანონპოექტის შესახებ პრეზენტაცია სამოქალაქო კულტურის ცენტრის გამგეობის თავმჯდომარემ კონსტანტინე კანდელაკმა წარმოადგინა, სადაც აღნიშნულ საკითხთან მიმართებაში დისკუსიის რეჟიმში მოხდა მოსაზრებების, რეკომენდაციების მოსმენა, ასევე თვითმმართველობის მუშაობაში მოქალაქეთა ჩართულობის დღემდე არსებული მექანიზმების განხილვა.
აღნიშნული შეხვედრა ჩატარდა არასამთავრობო ორგანიზაცია „სამოქალაქო კულტურის საერთაშორისო ცენტრისა“ და ფონდი „ღია საზოგადოება საქართველო“–ს მიერ დაფინანსებული პროექტის „საქართველოში დეცენტრალიზაციის რეფორმის ხელშეწყობის“ ფარგლებში.