13 ივნისს, დედაქალაქში სტიქიის შედეგად მომხდარი ტრაგედიის შემდეგ, დაზარალებულთა ოჯახების დახმარების მიზნით, მარნეულის მუნიციპალიტეტის გამგებელმა მერაბ თოფჩიშვილმა საგანგებო თათბირი გამართა, რომელსაც გამგეობის სამსახურის უფროსები, საკრებულოს თავმდჯომარე და დეპუტატები დაესწრნენ.

თათბირზე გადაწყდა, რომ მარნეულის მუნიციპალიტეტის თვითმმართველობა სტიქიის შედეგად დაზარალებულ ოჯახებს პირველადი ჰიგიენური საშუალებებით და საკვები პროდუქტებით დაეხმარება.
მარნეულის მუნიციპალიტეტი დაზარალებულ მოსახლეობას ფუმანიტარულ დახმარებას 17 ივნისს გადასცემს.
აღსანიშნავია, რომ მუნიციპალიტეტის თვითმმართველობის თანამშრომლები და მოსახლეობა მზადყოფნას გამოხატავენ საჭიროების შემთხვევაში მოხალისე თანამოქალაქეებთან ერთად, მონაწილეობა მიიღონ დედაქალაქში სტიქიური უბედურების ზონაში გაწმენდით სამუშაოებში.
მარნეულის მუნიციპალიტეტის თვითმმართველობა კიდევ ერთხელ გამოხატავს მწუხარებას დედაქალაქში სტიქიის შედეგად მომხდარი ტრაგედიის გამო და უთანაგრძნობს გარდაცვლილთა ოჯახებს და ახლობლებს.