12 ივნისს, მარნეულის მუნიციპალიტეტის გამგეობის საკონფერენციო დარბაზში საგანმანათლებლო ინიციატივების ქართულმა ასოციაციამ (სიქა) პროგრამა „მომავალის თაობის" ფარგლებში ერთი წლის მუშაობის შემაჯამებელი ღონისძიება გამართა.

ღონისძიებას მარნეულის მუნიციპალიტეტის გამგებელი მერაბ თოფჩიშვილი დაესწრო, სადაც ასევე იმყოფებოდნენ პროგრამის პარტნიორი სკოლები –მარნეულის, ბოლნისის, გარდაბნის მუნიციპალიტეტებიდან, ასევე საგანმანათლებლო რესურსცენტრის, ბიზნესის და არასამთავრობო ორგანიზაციის წარმომადგენლები.
ღონისძიების მსვლელობისას ქვემო ქართლის აქტიურმა კლუბის წევრებმა დამსწრე საზოგადოებას მათ მიერ ორგანიზებული აქტივოვები და განხორციელებული პროექტები გააცვნეს.
შეხვედრის ბოლოს გაიმართა დაჯილდოვების ცერემონია, სადაც ყველაზე აქტიური სამოქალაქო კლუბები და ტექნიკის კონკურსში გამარჯვებულები დაჯილდოვდნენ.
სამოქალაქო განათლების პროგრამა „მომავლის თაობა“ ხორციელდება ორგანიზაცია PH International-ის მიერ, აშშ საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით.
სიქა–საგანმაბათლებლო ინიციატივების ქართული ასოციაცია წარმოადგენს პროგრამის პარტნიორ ორგანიზაციას ქვემო ქართლის რეგიონში.