მარნეულის №8 საჯარო სკოლაში, განათლების სამინისტროს პროგრამა „ასწავლე საქართველოსთვის“ ფარგლებში გაიმართა ინგლისური ენის კონკურსი სახელწოდებით – “Fun with English”.

კონკურსი, რომელშიც მონაწილეობას იღებდნენ სოფელ ქესალოს, სადახლოს №2, შულავერის და კირიხლოს საჯარო სკოლის მოსწავლეები, მიზნად ისახავდა მათ დამეგობრებას და ინგლისური ენის შესწავლისადმი მოტივაციის გაზრდას.
კონკურსის ფარგლებში, მოსწავლეები ინგლისური ენის სახალისო აქტივობებში გუნდურად შეეჯიბრნენ ერთმანეთს. აღსანიშნავია, ისიც, რომ გუნდებში მოსწავლეები სხვადასხვა სკოლებიდან იყვნენ შერჩეულნი, რათა პროექტის ფარგლებში ბავშვებს უკეთ გაეცნოთ ერთმანეთი და დამეგობრებულიყვნენ. ღონისძიების მსვლელობისას პატარა კონკურსანტებმა ინგლისური სიმღერებიც შეასრულეს.
ინგლისური ენის კონკურსს მარნეულის მუნიციპალიტეტის გამგებელი მერაბ თოფჩიშვილი, საგანმანათლებლო რესუსრსცენტრის ხელმძღვანელი რუსლან გაჯიევი და ადგილობრივი პედაგოგები დაესწრნენ. ღონისძიებაში ჩართული იყო მშვიდობის კორპუსის მოხალისეც.
კონკურსის ბოლოს, მასში მონაწილე ყველა ბავშვს გადაეცათ სერთიფიკატი და წიგნები რუსთავის „ამერიკული კუთხისგან“.
აღნიშნული კონკურსის ინიციატორი კირიხლოს საჯარო სკოლის ინგლისურის პედაგოგი, სოფიკო ლეკიაშვილი იყო.მარნეულის მუნიციპალიტეტის თვითმმართველომა მადლობას უხდის მას პროექტის წარმატებით განხორციელებისა და გაწეული შრომისთვის.