11 ივნისს, მარნეულის მუნიციპალიტეტის კულტურის სახლში პროექტ „ახალგაზრდები ცვლილებებისთვის“ დასკვნითი, შემაჯამებელი ღონისძიება გაიმართა.
პროექტს ორგანიზებას უწევდა ახალგაზრდების საინიციატივო ჯგუფი სოფელ საბირქენდიდან.
აღსანიშნავია, რომ პროექტი – სლოგანით „დედამიწის მომავალი ჩვენს ხელშია, გავუფრთხილდეთ მას“, მიმდინარეობდა ერთი თვის განმავლობაში, არასამთავრობო ორგანიზაცია „რეგიონის განვითარების ცენტრის“ დაფინანსებით და მარნეულის მუნიციპალიტეტის გამგეობის მხარდაჭერით.
პროექტის ფარგლებში, სკოლის მოსწავლეებმა სხვადასხვა სახის აქტივობები –დასუფთავების აქციები, ტრენინგები გარემოს დაცვის საკითხებზე და სხვა ღონისძიებები განახორციელეს.
დასკვნით ღონისძიებაზე, მოეწყო განხორციელებული აქტივობების ამსახველი ფოტოგამოფენა და შეჯამდა განხორციელებული საქმიანობები.
ახალგაზრდების საინიციატივო ჯგუფი, ამ მიმართულებით მუშაობის გაგრძელებას მარნეულის მუნიციპალიტეტის სხვა სოფლებშიც გეგმავს.