10 ივნისს, მარნეულის მუნიციპალიტეტის გამგებელი, მერაბ თოფჩიშვილი, მარნეულის ახალგაზრდული გენდერული კლუბის წევრებს შეხვდა.
შეხვედრის მიზანს ახალგაზრდებისთვის ქალაქში ბიბლიოთეკის მშენებლობის პროექტის პრეზენტაციის წარდგენა, სერვისების შესახებ დეტალური ინფორმაციის მიწოდება და მათი მოსაზრებების, რეკომენდაციების მოსმენა წარმოადგენდა.
შეხვედრა ინტერაქტიული ხასიათის იყო, სადაც ყურადღება გამახვილდა ახალგაზრდების სამოქალაქო ცნობიერების ამაღლების ხელშეწყობაზე, მათ აქტიურ ჩართულობაზე მუნიციპალიტეტში მიმდინარე პროცესებში და ახალგაზრდული ინიციატივების წახალისების აუცილებლობაზე.
საინტერესო დისკუსიის დასასრულს ღონისძიების მონაწილეებმა სამახსოვრო ფოტოებიც გადაიღეს.
შეგახსენებთ, რომ მარნეულის ახალგაზრდული გენდერული კლუბი ჩამოყალიბდა სამცხე-ჯავახეთის მედია ცენტრის პროექტის –„ერთად გენდერული თანასწორობისათვის“ ფარგლებში, რომელიც ხორციელდება ეროვნულ დემოკრატიული ინსტიტუტის (NDI) მხარდაჭერით.