2–5 ივნისს,  მარნეულის მუნიციპალიტეტის კულტურის ცენტრთან არსებულმა ახალგაზრდულმა თეატრმა მონაწილეობა მიიღო,  ქალაქ ბათუმში,  გამართულ ახალგაზრდულ  თეატრალურ კვირეულში.

აღნიშნულ პროექტში ჩართულნი იყვნენ საქართველოს სხვადასხვა ქალაქის სტუდენტ–ახალგაზრდული თეატრალური დასები. 
თეატრალური კვირეულის ფარგლებში მარნეულელმა ახალგაზრდებმა სპექტაკლი „ლურჯი თოვლის“ ჩვენება მოაწყეს, რამაც დიდი  აღფრთოვანება გამოიწვია  ბათუმელ მაყურებელში.
აღსანიშნავია, რომ მარნეულის ახალგაზრდულმა თეატრმა სპექტაკლის წარმატებით ჩვენებისა და მონაწილეობისთვის  მადლობის სიგელი მიიღო.
ბათუმში გამართულ  ახალგაზრდული  თეატრალურ კვირეულის ორგანიზატორი  მუნიციპალიტეტის მერიის სპორტისა და ახალგაზრდობის განყოფილება და „კრეატივ ჯგუფი“ იყო.