13 მაისს, მარნეულის მუნიციპალიტეტის გამგეობის საკონფერენციო დარბაზში ორგანიზაცია „ჟურნალისტთა ქსელი გენდერულ თანასწორობისთვის“ ინიციატივითა და მარნეულის გამგეობის ორგანიზებით ჩატარდა შეხვედრა თემაზე “უთხარი არა ნაადრევ და იძულებით ქორწინებას!“  

შეხვედრას ესწრებოდნენ მარნეულის მუნიციპალიტეტის საჯარო სკოლების დირექტორები, ადგილობრივი აქტიური მოქალაქეები, მარნეულის საგანმანათლებლო რესურს ცენტრისა და რეგიონული მედიის წარმომადგენლები.
აღნიშნული არასამთავრობო ორგანიზაციის წევრებმა  ნაადრევ  ქორწინებასთან დაკავშირებულ პრობლემებზე, სტატისტიკურ მონაცემებსა და იძულებით ქორწინებასთან დაკავშირებით გამკაცრებულ სანქციებზე დეტალურად ისაუბრეს.  
შეხვედრა  მოკლე პრეზენტაციისა და კითხვა-პასუხის ფორმატით 1 საათის განმავლობაში წარიმართა, სადაც ნებისმიერ დაინტერესებულ პირს შესაძლებლობა მიეცა აღნიშნულ თემასთან  დაკავშირებით ამომწურავი ინფორმაცია მიეღო.
მსგავსი საინფორმაციო შეხვედრები მარნეულის სხვადასხვა ადმინისტრაციულ ერთეულებშიც გაგრძელდება.
პროექტი „უთხარი არა ნაადრევ და იძულებით ქორწინებას!“  შვეიცარიის საელჩოს დაფინანსებით ხორციელდება.