მარნეულის მუნიციპალიტეტის გამგეობაში  პროექტ "ახალგაზრდული საკრებულო 64 მუნიციპალიტეტში"-ის  ფარგლებში   მოეწყო   საკრებულოს სხდომა,  სადაც  ახალგაზრდული საკრებულოს თავჯდომარედ  აირჩიეს  სსიპ სოფელ საიმერლოს საჯარო სკოლის მე-11  კლასის მოსწავლე  ვლადიმერ ჩხიტუნიძე.

სხდომას შეურთდა მარნეულის მუნიციპალიტეტის საკრებულოს აპარატის უფროსი ქალბატონი ნინო ბერიძე, რომელმაც სკოლის მოსწავლეებს გააცნო საკრებულოს მუშაობის სპეციფიკა და მათ  წარმატებები უსურვა.
შეგახსენებთ, რომ  პროექტს   "ახალგაზრდული საკრებულო 64 მუნიციპალიტეტში"  ახორციელებს ორგანიზაცია „ადამიანი,  კანონი,  თავისუფლება“.  
აღნიშნული პროექტის მიზანია  მე- 11 და მე-12  კლასელებით  დაკომპლექტებული  ახალგაზრდული საკრებულოს შექმნა.   პროექტისათვის  შერჩეული ახალგაზრდები გაივლიან ტრენინგებს - არჩევნების და მისი მნიშვნელობის, ადგილობრივი თვითმმართველობის კოდექსის, ქვეყნის სახელმწიფო მოწყობის, ევროპასთან ინტეგრაციის პროცესის, ლიდერობის, მედიასთან ურთიერთობის, დიპლომატიური ურთიერთობებისა და კავკასიოლოგიის შესახებ, რაც ხელს შეუწყობს სკოლის მოსწავლეების  აქტიურ  მოქალაქეებად ჩამოყალიბებას.
ამასთან ახალგაზრდების ჩართულება მიმდინარე პროცესებში გაზრდის მათი დასაქმების შესაძლებლობას ადგილობრივ თვითმართველობებში, რაც წარმოადგენს დამატებით კვალიფიციურ საკადრო  რესურს. 
პროექტის ფარგლებში, ახალგაზრდული საკრებულოს სხდომები რეგულარულად  ჩატარდება.