დღეს, გამგეობაში, მარნეულის 500 კვ ქვესადგურის მშენებლობის და ექსპლუატაციის განხორციელების პროექტის ფარგლებში, გაიმართა განხილვა.
ანგარიშის განხილვა სს „საქართველოს სახელმწიფო ელექტროსისტემის“ ინიციატივით გაიმართა, რომელსაც ესწრებოდნენ მარნეულის მუნიციპალიტეტის გამგებლის პირველი მოადგილე ზაურ ტაბატაძე, თვითმმართველობის თანამშრომლები, გარემოსა და ბუნებრივი რესურსების დაცვის სამინისტროს წარმომადგენლები და სხვა დაინტერესებული პირები.
საჯარო განხილვის მსვლელობისას მომხსენებლებმა ხაზგასმით აღნიშნეს, რომ ქვესადგურის მშენებლობა და ოპერირება მოხდება საერთაშორისო სტანდარტების შესაბამისი ტექნოლოგიების გამოყენებით, რაც უზრუნველყოფს ბუნებრივ და სოციალურ გარემოზე შესაძლო ნეგატიური ზემოქმედების მინიმიზაციას.
მნიშვნელოვანია ის ფაქტიც, რომ პროექტის განხორციელება დადებითად იმოქმედებს ადგილობრივი მოსახლეობის დასაქმების მაჩვენებლის ზრდასა და მათი ეკონომიკური მდგომარეობის გაუმჯობესებაზე.