მარნეულის მუნიციპალიტეტის სოფელ ყულარში, მდინარე ხრამზე დასრულდა ნაპირსამაგრი სამუშაოები. პროექტის ფარგლებში განხორციელდა მდინარე ხრამის მარჯვენა ნაპირის გამაგრება ქვანაყარი ბერმით.
ვინაიდან სიტუაცია იყო ისეთი, რომ მდინარის მარჯვენა ნაპირი აღნიშნულ სოფელში, წლების განმავლობაში ირეცხებოდა და განიცდიდა ჩამოშლას, მდინარის კალაპოტის გადმონაცვლების გამო სოფელმა დაკარგა სასოფლო-სამეურნეო მიწების გარკვეული ნაწილი.
აღნიშნული პრობლემის სიმწვავიდან გამომდინარე, ადგილობრივი ხელისუფლების გადაწყვეტილებით, მიმდინარე წლის ბიუჯეტიდან გამოიყო 145 000 ლარი. პროექტის ფარგლებში, ქვანაყარი ბერმა ეწყობა წინასწარ მომზადებული, ნაპირის ფერდობზე ხრეშოვან ზვინულზე (ქვეშსაგებზე)1.0 მ დიამეტრის ბაზალტის ქვებისგან.
ნაპირსამაგრი ნაგებობის საერთი სიგრძე შეადგენს 780 მეტრს.