25 აპრილს , დასრულდა 2015 წლის საქართველოს ჩემპიონატი ბატუტზე ხტომებში, რომელიც ორი დღის განმავლობაში მიმდინარეობდა მარნეულში, სპორტულ კომპლექსს „ათა ჰოლდინგში“.
ჩემპიონატს ატარებდა საქართველოს ტანვარჯიშის ეროვნული ფედერაცია გამგეობის მხარდაჭერით, რომელშიც მონაწილეობდნენ, როგორც თანრიგოსნები ასევე ოსტატები თბილისიდან, მარნეულიდან , ქუთაისიდან, ბათუმიდან და გორიდან.
მარნეულის მუნიციპალიტეტის სპორტული სკოლის სპორტსმენებმა დაიკავეს: 2 პირველი ადგილი, 1 მეორე ადგილი და 2 მესამე ადგილი.
აღსანიშნავია, რომ ჩემპიონატის დახურვას დაესწრო მარნეულის მუნიციპალიტეტის გამგებელი მერაბ თოფჩიშვილი, რომელმაც მიულოცა გამარჯვებულებს, დააჯილოდვა ისინი და განაცხადა, რომ ყოველთვის მზად არის მხარი დაუჭიროს სპორტულ აქტივობებს, რათა ხელი შეუწყოს ახალგაზრდების წინსვლას და ჯანსაღი ცხოვრების წესის დანერგვას, რაც მეტად მნიშვნელოვანია მოზარდებისა და ახალგაზრდების განვითარებისთვის.