მარნეულის მუნიციპალიტეტის გამგეობაში, ქალთა ოთახის ინიციატივით და ადგილობრივი თვითმმართველობის მხარდაჭერით, გაიმართა ტრენინგი თემაზე– ადამიანის უფლებები და თავისუფლებები; ქალთა უფლებები და დაცვის მექანიზმები.
ტრენინგი პროგრამა „ჰორიზონტის გაფართოება: გაუმჯობესებული არჩევანი ქალთა და გოგონათა პროფესიული და ეკონომიკური გაძლიერებისთვის“ -ის ფარგლებში განხორციელდა, რომლის მიზანს ქალბატონებისათვის ქალთა უფლებებისა და დაცვის მექანიზმების გაცნობა წარმოადგენდა.
აღნიშნულ ტრენინგს ესწრებოდნენ ადგილობრივი მოსახლეობის აქტიური ქალბატონები, პედაგოგები სხვადასხვა სოფლებიდან, ადგილობრივი თვითმმართველობის თანამშომლები და არასამთავრობო ორგანიზაციის წარმომადგენლები. სემინარის ბოლოს, ტრენინგში მონაწილე ყველა ქალბატონს შესაბამისი სერტიფიკატები გადაეცა.