საქართველოს გაერთიანებული სამელიორაციო სისტემების კომპანია მარნეულის მუნიციპალიტეტში ახორციელებს დებედას არხის სარწყავი სისტემის მაგისტრალური არხის I და სხვა რიგის გამანაწილებლების, შიდასამეურნეო ქსელის რეაბილიტაციის, მდინარე დებედაზე უკაშხლო გვერდითი წყალმიმღების სათავე ნაგებობის მოწყობის სამუშაოებს.
აღნიშნული ღონისძიებათა სისტემის ფარგლებში დაგეგმილია ახალი წყალმიმღები ნაგებობისა და 587 მ მომყვანი მილსადენის მოწყობა.
გარდა ამისა, სამელიორაციო სამუშაოები ითვალისწინებს დებედის ყულარისა და კირიხლოს არხების წმენდასა დაჰიდროტექნიკური ნაგებობების რეაბილიტაციას.
იგეგმება ახალი წყალგამშვები კვანძებისა და შემტბორავი ნაგებობების მოწყობა. დღეისათვის კი რეაბილიტაციის შედეგად გასარწყავდა 3 სოფლის (აროფლო, კიროხლო, ქვ. ყულარის) 875 ჰა სასოფლო სამეურნეო მიწის ფართობი, რომლითაც სარგებლობს 1800 მოსახლე.
სარეაბილიტაციო სამუშაოები 2014 წელს დაიწყო და 2015 წელს დასრულდება.