5 მარტს მარნეულის მუნიციპალიტეტის გამგებელი მერაბ თოფჩიშვილი, მარნეულის დემოკრატიული ჩართულობის ცენტრში, განათლების სამინისტროს პროგრამის „ქართული ენა მომავალი წარმატებისთვის“ პედაგოგებს შეხვდა.

შეხვედრაში   მონაწილეობას იღებდა მარნეულის საგანმანათლებლო რესურს ცენტრის  ხელმძღვანელი რუსლან გაჯიევიც.
შეხვედრის ფარგლებში მარნეულის მუნიციპალიტეტის სოფლებში განათლების სფეროში არსებული პრობლემები, ენობრივი ბარიერის უკეთ დაძლევის შესაძლებლობები და სხვადასხვა მნიშვნელოვანი საკითხები განიხილეს. 
პედაგოგები გამგებელს მარნეულის სოფლებში მცხოვრები ახალგაზრდების პრობლემებზე ესაუბრნენ, სადაც მხარეებმა  ადგილობრივი თვითმმართველობის კომპეტენციის  ფარგლებში აღნიშნული პრობლემების გადაჭრის გზებზეც იმსჯელეს.
გამგებელი შეხვედრის დამსწრეებს განათლების სფეროში  ადგილობრივი თვითმმართველობის კომპეტენციასა და  საჯარო სკოლებთან წარმატებული თანამშრომლობის პრაქტიკაზეც ესაუბრა. მან მომავალში საგანმანათლებლო პროექტების განხორციელების კუთხით პედაგოგებს მხარდაჭერა აღუთქვა და პროფესიულ  საქმიანობაში წარმატება უსურვა.