ველომრბოლელი ნოდარ ბერიძე ველოტურის ფარგლებში  რომლის სახელწოდებაა „საქართველო მშვიდობისათვის“ - დღეს მარნეულის მუნიციპალიტეტს  ეწვია. სპორტსმენთან  შეხვედრა მარნეულის სპორტულ სკოლაში გაიმართა, სადაც

დამსწრეებს ველომრბოლელი  ნოდარ ბერიძე  მშვიდობიანი ველოტურის მნიშვნელობაზე, ველომოგზაურის ჯუმბერ ლეჟავას ბიოგრაფიისა და  მის მიღწევების შესახებ ესაუბრა. 
მსოფლიო ველომოგზაურის -  ჯუმბერ ლეჟავას სახელობის ველოტურის "საქართველო მშვიდობისათვის" მე-3 ეტაპი,  25 თებერვლიდან 25 მარტის ჩათვლით მიმდინარეობს და  საქართველოს 50-ზე მეტ ქალაქსა და რაიონს, - ჯამში  კი 2200 კილომეტრს მოიცავს.  მეოთხე ტური კი   ამიერკავკასიის დანარჩენ რეგიონებში გაგრძელდება. 
აღნიშნული ველოტურის ორგანიზატორია საერთაშორისო საზოგადოებრივი ორგანიზაცია "ყველა ერთისათვის".
ველოტურების  მისია  და  მიზანია მსოფლიოში  ყველა  პრობლემის  ომის  გარეშე  მოგვარების  მოწოდება;  ადამიანთა  შორის  კავშირების  აღდგენა;  ჯანსაღი  ცხოვრებისა  და  სპორტის  პოპულარიზაცია და  ჯუმბერ ლეჟავას  ბიოგრაფიისა   და  მიღწევების შესახებ საზოგადოებისთვის ინფორმაციის მიწოდება.
ველომრბოლელი  ნოდარ ბერიძე  მარნეულიდან  ბოლნისის მუნიციპალიტეტში გაიემგზავრა.