10 თებერვალს, მარნეულის მუნიციპალიტეტის გამგეობაში ტრადიციული თათბირი გაიმართა, სადაც გამგებელმა მერაბ თოფჩიშვილმა, მისმა მოადგილეებმა ზაურ ტაბატაძემ, თეიმურაზ ბერიძემ და ქამანდარ ისმაილოვმა - გამგეობის სამსახურების ხელმძღვანელებთან და ადმინისტრაციულ ერთეულებში გამგებლის წარმომადგენლებთან ერთად,
მუნიციპალიტეტში არსებულ მდგომარეობაზე, ზამთართან დაკავშირებულ პრობლემებსა და მისი გადაჭრის გზებზე იმსჯელეს.
თათბირს სსიპ მარნეულის მუნიციპალიტეტის დაავადებათა კონტროლისა და საზოგადოებრივი ჯანდაცვის ცენტრის დირექტორი ეთერ ლაფერაძე ესწრებოდა, რომელმაც სეზონთან დაკავშირებულ გრიპებსა და ვირუსულ დაავადებებზე ისაუბრა და აღნიშნა, რომ ცენტრი გავრცელებული ვისურებისა და გრიპების წინააღმდეგ პრევენციული ღონისძიებების გატარების კუთხით მაქსიმალური დატვირთვით მუშაობს.
თათბირზე ყურადღება გამახვილდა მთავრობის მიერ ინიცირებულ „მცირემიწიან ფერმერთა საგაზაფხულო სამუშაოების ხელშეწყობის პროექტის“ ფარგლებში სასოფლო- სამეურნეო დანიშნულების ბარათებით ბენეფიციართა დაკმაყოფილების საკითხზეც, სადაც დეტალურად განიხილეს „აგრო ბარათების“ დარიგებისა და გამოყენების პროცედურები.
თათბირზე კითხვა-პასუხის რეჟიმში განიხილეს სოციალური, ეკონომიკური, კულტურული და სხვა მნიშვნელოვანი საკითხები, რომელებიც გამგეობის კომპეტენციის ფარგლებში განიხილება.